Lirik Lagu-lagu Batak

Di Tonga Borgin

Di tonga borgin i tarsunggul au ito
Sai hubereng tu siamun sai hubereng tu hambirang
Tung manang ahape soada ito dilambungki
Tung manang ahape soada ito dilambungki

Gabe sai marsak au marningot i sude
Hape holan nipi sambing do i
Nasonang au dohot ho ito
Gabe holan na tumatangis doau alani i
Gabe holan na tumatangis doau alani i

Tudia nama au lao ale dahasian
Unang si huingot be ho nian ale ito
Tumangon nama au lao dao da sian ho ito
Unang pado jonok dilambungki

Sugari huboto hian na lao manjua ho
Dang pola sai loja beau ro mandapothon ho
Hape laho do ho tu silomo ni rohami
Laos so dipabotohon ho tu au
Hansit nai dangol nai parir nai ito
Hansit nai dangol nai parir nai ito


Songon Bulan

Ho songon bulan maila tu mataniari
Ho songoni ma bohimi manjalang tanganki
Tung las rohangki jala mansai lambok panghilalaan
Marbalos do hape holong na di roha

Ho songon ronggur na songgot di hos niari
Ho songoni ma rohangki umbenge tonami
Naung saut do hape bogasmi tusi doli na asing
Malala rohangki malal ate-ate

Tangianghon au ito
Nimmu tuau dina lao borhat ho
Mardongan ilu do au paborhathon ho marhuta sada

Hape dang be mulak ho
Laos holan tona ma naro tuau
Malal rohangki malala ate-ate


Asam Na Di Dolok

Asam na di doloki dekke na di tao i
Mardomu do muse ito
Mardomu di susuban tano
Asing dai nai tonggi jala tabo

Alai tung boasa ma hita da hasian
Nalao patua hatama
Laos gabe tata dibaenho ito
Boasa songoni boasa hasian

Sai huingot dope hata naung ni undukmi
Hita nadua do naumbotoi sude
Alai tung boasama
Gabe tadingkononmu au

Asa tung rimangi ma dibangas rohami
Sotung sumolsol ho muse
Sumolsol di pudi ni ari
Boasa songoni boasa hasian


Atik

Atik atik naon nama pajumpang
Dihita on na marsihaholongan
Jalang ma au jalang ma au da hasian

Molo molo masihol ho diau
Tu bulani di bulani tatap ma au
Pasombu sihol ni roham da hasian

Atik naon nama hita pajumpang muse
Jalang ma au ito
Jalang ma au da hasian
Tangiang mi ma baen ito paborhat au

Anggiat sai anggiat ma
Unang Tinggalhon

Unang tinggalhon ma au haholongan
Unang pasombu au sasada au
Ai holan ho sambing di rohangki ah….
Boan au boan sai boan ma au ito

Masihol au ito haholongan
Malungun rohakki rap dohot ho
Aut boi ma nian au raphon ho
Ingot ma ingot ma ingot ma au ito

Molo hu ingoti janji tai
Marabur ilukki mangopu rohakki
Asi roham ito marnida au
Unang tinggalhon au hasudungan

Haccit nai diau dangol nai ah…..
Unang sai unang sai unang tinggalhon au


Asa Sombu Roham

Holong ni rohakki arop ni rohakki
Tu ho ito da hasian
Hape tung ikkon mangopo
Disimpang parsirangani

Tung aha be ito na boi tarbahen au
Lao mangambati langkami
Tung ilukki nama ito
Hata parpudi sian au

Lao maho lao maho lao maho ale ito
Molo I nama na pasongan roham
Lao ma ho lao ma ho tuntun ma nasa lomom
Tung sopola tioponkhu ho ito

Lao maho lao maho lao maho
Lupahon ma au ito lupahon au ito
Asa tung sombu roham da hasian


Sayang

Sayang…sayang…sayang
Dipelabuhan belawan i
Da ditangga ni kapali
Dijalang ho ma tanganhi
Dodokhon ho do ujui
Dang na lao lupa ho diau

Saputangan na taribak dua i
Ikhon marsada do muse
Ido padanta ujui ido paposhon rohakki
Lao paborhathon ho ito

Sabulan dua bulan di Jakarta
Sai rodo suratmi
Tolu bulan sahat tu sadari on
Soada be baritam

Naung lupa doho naso sayang be ho
Manang nang adong ito ganti ni dirikki

Sayang…sayang…sayang



Poda

Angur do goarmi anakkon hu
Songon bunga-bunga I na hussusi
Molo marparange na denggan do ho
Diluat na dao I

Jala ikhon ingot do ho
Tangiang I do parhite-hiteami di golumi da tondinghu

Unang sai mian jat ni roha I dibangasan rohami
Ai do mula ni sikkam mabarbar da hasian
Ingkon benget ma ho marroha
Jala pantun maradophon natua-tua
Ai do arta naung margai di golumi

Ai damang do si jujung baringin diau amang mon
Jala ho nama silehon dalan dianggi ibotomi
Ipe ingot ma ho amang di hata podakki
Asa taruli ho diluat dihadaon I

Molo dung sahat ho tu tano parjalanganmi
Marbarita ho amang
Asa tung pos rohani damang nang dainang mon
Ditano ha tubuanmi



Unang Au Sai Solsoli

Unang au sai solsoli hasian
Unang au sai tangisi
Ai dang au na so ra marningot janji
Alai ho do da ito na pittor muli

Dung malala rohangki
Romaho sumolsol bagi
Tung saribu hali ro ho manolsolo
Au do sitaon na hacciti

Di tao ni Ajibata do ito
Tintinmi naung hubolonghon
Unang sai huingot ingot ho ito
Gabe pasunggul sunggul si dangolanhi
Tu tao nabangasi hupatolhas lungunki
Laos disi do husumpahon hasian
Tung naso jadi martunang

Ito hasian
Unang sai sunggul-sungguli be naung salpui
Ito anggo holong dohononmu holan tu hodo
Ganjang ma umur mi leleng hita mangolu hasian

Anggo au hasian boi berengonmu
Sahat ro di na alo mate hasian
Tung naso jadi au mangoli

Du…du…du…du
Uang au sai solsoli



Saputangan Na Marsap Ilu

Nungga tung leleng hita naung mardongan
Nungga tung leleng hita naung marpadan
Tung na so jadi marsitrang
Rap di nasonang susa rap manaon I do parjanjian

Tung mansai tompu do parguling ni rohami
Gabe lupaho di padan nanung tabaheni
Tung so huboto mandok ito
Dfung ditongosho suratmi tuau
Naung mangoli ho ito

Dang na tarhatahon au ito arasak ni rohakki
Dukkon hu jaha isini surat dohot undanganmi
Sipata naeng hutimbung ito lombang na bagasi
Unang huingot-ingoti na hassit na binahenmi
Dang targabei au ho tu si doli pinilitmi

Dang boi au ro mandulo ho tu pestami
Dang tarbahen au l lao mangadopi gokkon mi
Jalo ma I tinongoshi ito
Saputanganna marcap ilikki
Ima tuppakki tu ho..



Boasama

Tarhatongtong au ito da hasian
Di harbangan ni gareja I
Mida ha roroi naso panangamanhi
Dimata ni pesta parbongasonhi

Ditostosi ate-ate da ito
Alani hatam na manalahon au
Hape loja doau loja mandiari ho
Baritam mandok naung muli ho ito

Boasama tung dimata ni pestaon
Ro ho mandapothon au
Raphon ilu-ilumi didokho do au na lupa

Aut sungari dang appe tanganni pandita I
Mamasu-masu au
Naeng do au maporus ito tumundalhon na toropi
Naeng do au maporus ito tumundalhon na toropi


Tung pabenget ma roham ale ito
Paborhathon au haholongan
Rohangki nian ito ikhon ho saut diau
Alai rokkap do hape siaben na saut


Anju Au

Anju au sai anju au ale anggi
Dinamuruk manang marsak rohangki
Nang so hupaboa arsak na di roha
Holong ni rohangku sai hot doi

Anju au sai anju au ale anggi
Engkel mi ma bane pasonang rohangki
Tung saleleng au dilambungmi
Anju au sai anju au ale anggi


Tung So Hu Loas Ho Marsak

Ahado arsak ni rohami
Aha na buni dirohami
Umbaen sai tumatangis ho
Paboa ma tuau da hasian

Aut sugari ma tardodo au
Angka na buni di rohami
Naeng ma putihonku
Asa tung mango holsomi ito

Tung so huloas ho ito diago arsak
Tung so huloas ho ito sai tumatangis
Asa rap mengkel hita nadua
Asa rap mengkel hita nadua hasian



PAKKIRIMON

Ho ito ito naung leleng ni haholongan
Ho ito didia ho ulaning hasian
Diingot ho do pe tingki naung salpui
Uju na rap do hita nadua

Sai sihol sihol do rohangki sai naeng pajumpang
Sai sihol masihol au ito marnida ho
Hape tung baritam so tarboto-boto
Mambaen rohangku sai tongtong lulu lulu

Molo naon na ma nian ale ito
Ujung ni padan naung tapuduni
Paboa on mu ma nian tuau da hasian
Asa unang sai makkirim au di ho

Paboama paboama hatahon ito
Unang pasombu au
Dipakkirimon na mamujung on


Anakhu Na Burju

Anakhu naburju anak hasianhu nakhu na lagu
Ingot do ho amang diangka podani natua-tuami
Dung hu paborhat ho na marsikkola I
Tuluat nadao I amang benget do ho amang
Benget do ho manaon na dangoli

Molo hu ingot do sude tahe amang
Pangalahom na salpui
Sipata lomosdo natua-tuamon disihabunionni
Hutangianghon do mansai gomos amang
Anggiat muba rohami
Dijalo do amang dijalo do tangiangmhi amang

Ipe amang hasian hu anakku na burju
Pagomos ma tangiangmi tu Mula Jadi Nabolon I
Anggiat ma ture sude hamu pinomparhi amang
Marsiamin-aminan marsitungkol tungkolan
Songon suhat dirobean I

Dung lam dao amang pangarantoanmi anak hasianhu
Dihaburjuhon ho do I sude amang ditano silebani
Mauliate ma tdok tu Tuhani
Dinaung di jalomi amang
Jumpang mu do amang
Jumpang mu do na jinalahan mi


Didia Rokkaphi

Ahama na marsigorgor di roham
Ale inang pangintubu
Umbaen sai marsak ho, umbaen sai tangis ho
Ganup ari on dinabuni
Paboa ma jolo tuau anakhonmon

Pos roham na oloan hu do sude
Tung manang aha na nidokmi
Unang sai marsak ho, uang sai tangis ho
Tung ahado ulaning alana
Paboa ma jolo tuau anakhonmon

Mangoli damang nimmu tuau
N’dang na soolo au inang
Alai didia rokkaphi, didia rokkaphi
Nungga tung loja au mangalului
N’dang jumpang au nahot diau
So Pambahenan na humurang
Alai boasa ikhon sirang
Oh…oh…ho…

Molo tung sapata ma nasorop
Mambaen bogashi gabe tarborot
Sapata nise on ompung
O…Mula jadi nabolon

Paboa ma tu au Paboa ma tu au
Didia rokhap hi Didia rokhap hi

Huboto

Unang unang gabusi au ito
Sotung sotung sumolsol bagi ho
Hatahon ma hatahon ma
Sian ias ni roham

Huboto huboto do sude ito
Naung naung di paolohon ho
Tu pariban mi tupariban mi
Na di bariba tao

Boasa tung gabusan mu au ito
Hassit hutaon humokhop ho da hasian
Hape ikhon marsirang hita nadua
Soada sala soada sala da pambahenan

Nang pe songoni
Gabe ma ho tu lomomi
Gabe manang au
Mamboan lomonghi



Ro Do Au Tu Pestami

Holong na di rohanghi
Tung so muba somose be i da hasian
Tung dao ho ito sian au
Alai rohanghi sai hot do i
Di nipikki pe ito sai hot tu ho

Tarsonggot au da ito
Tarhatongtong songon na maoto au hasian
Disurat mi na mandok lao mangoli ma ho
Hape ito
Tinggal ma ua hasian na dongolon

Gabe sega do au da ito
Alani pambahenanmi
Dang tangamon anggo sapatam
Ai ho do na mambaen naso denggan

Tung hassit pe pambaenan mi ito
Rodo au tu pestami
Borat pe langkaki na rodo au tusi
Marnida pamasu-masu on mi


Ulang Tahun

Ro do au ito sian na dao
Lao mandapothon ho
Alai hu boto ari ulang tahunmi
Tanggal sada di bulan agustusi
Paboa na holong rohanghi tu ho

Dung sahat au ito dahasian
Dijolo jabumi
Tarsonggot au hubereng ma namasai
Rappak hundul ho dohot si doli i
Na mandongani ho ulang tahun mi

Naeng mandele au ito
Dung hubereng ho disi
Rap mengkel jala rap marsigotilan
Paula so sibereng ho
Paula so di boto ho
Hassit ni rohanghi di bahen ho

Aut so sala hasian
Dalan tu pandelean i
Na ikhon timbungonhu lombangi
Asa sombu roham
Marnida au na tininggalhon mon


Surat Gokkon

Hata ni damang do ito siporiban na hu olo i
Umbaen taronjar rohanghi na laho muli
Tu ho ito boru na tinodo nai
Ai dang soada da ito da bogashi

Dukkon tarunduk au boru ni nantulang
Hata ni damang i
Marpungu ma raja parhata dongan tubu i
Sude sisolhot nang dongan sahuta i
Lao manghatai sinamot parbongason i

Hape dukhon mardalan gokkon jou jou i
Tu angka tondong si solhot dongan sahuta i
Hape tompu munggil roham tu anakni mamorai
Sadari nai nama pamasu-masuon ta i

Dapotma ari naung tarsurat di undangan i
Marroan ma angka natorop mangadopi pesta i
Tung longang jala tarhatongtong sasude na toropi
Ala soada ho ito dilambunghi

Gabe maila maila maila rohanghi
N’dang taralusi au ito sukkun sukkun ni jolma i
Margabus ma damang diinang taungha na torop i
Gabe ilukhu ma maraburan hapuasan ni arsakhi

U….u…u…u…u…u…
Ah…ah…ah…ah…



Oh Ale Dewi

Anggo hatam tu au ito
Natua-tuami do namamaksa ho
Asa oloanmu tu na tinodoni roha nai

Saborgin na bagas so didokho
Sai tumatangis ho marningot au
Ai naso tarjua natua-tuami
Mangido maaf ro tuau

Alai ro ma dongan mi mandok tu au
Hape ho do na manggoda hasian
Alana di botoho si doli i jolma na mora
Jala parpangkat na timbo hasian

Gabe di hatahon ho ma bongashi do na soada
Hape tintinku di tanganmu hasian
Songon tanda di padanta

Alai naeng pe songoni ale ito
Tung so pola tangamonmu sapatakhu
Dang baenonmu pamatangmu hasian saut di au
Molo dung jumpang sirokhap ni tondinghi
Mangapusi ilukhi

Oh…ale Dewi hasian
Tung so pola au sega bahenonmu
Alai pargabusonmi do da ito

I do na sai husolsoli